ham ko manzil ne bhi gumraah kiyaa — Hafeez Hoshiarpuri

aah marg-e-aadmi par aadmi roe bahut
koi bhi royaa na marg-e-aadamiyyat ke liye

tiri talaash mein jab ham kabhi nikalte hain
ik ajnabi ki tarah raaste badalte hain

dosti aam hai lekin ai dost
dost miltaa hai baDi mushkil se

zamaane bhar ke gham yaa ik tiraa gham
ye gham hogaa to kitne gham na honge

agar tu ittifaaqan mil bhi jaae
tiri furqat ke sadme kam na honge

mohabbat karne vaale kam na honge
tiri mahfil mein lekin ham na honge

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

zindagi ke bahut qarib na jaa
faasla kuchh to apne dhyaan mein rakh

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

baDe qalaq ki baat hai ki tum ise na paDh sake
hamaari zindagi to ik khuli hui kitaab thi