roz takte hain ek duuje ko — Haider Allahabadi

itni jaldi nahin bichhaDnaa thaa
jitni jaldi bichhaD gai ho tum

apne bistar pe dam na toD dein ham
teri baaton ko yaad kar kar ke

us ne kaisaa ye kaam kar Daalaa
meraa jiinaa haraam kar Daalaa

teraa chehra to dekh rakkhaa hai
had hai teri jabin nahin dekhi

kyon miraa intizaar karte ho
kis liye mujh se pyaar karte ho

chhat pe aai ho aaj barson baad
dekh kar chaand Dar na jaae kahin