toD kar ahd-e-karam naa-aashnaa ho jaaiye — Hasrat Mohani

ham kyaa karein agar na tiri aarzu karein
duniyaa mein aur bhi koi tere sivaa hai kyaa

barsaat ke aate hi tauba na rahi baaqi
baadal jo nazar aae badli meri niyat bhi

khirad kaa naam junun paD gayaa junun kaa khirad
jo chaahe aap kaa husn-e-karishma-saaz kare

iqraar hai ki dil se tumhein chaahte hain ham
kuchh is gunaah ki bhi sazaa hai tumhaare paas

aise bigDe ki phir jafaa bhi na ki
dushmani kaa bhi haq adaa na huaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi