aaj phir dab gaiin dard ki siskiyaan — Hilal Fareed

miri daastaan bhi ajiib hai vo qadam qadam mire saath thaa
jise raaz-e-dil na bataa sakaa jise daagh-e-dil na dikhaa sakaa

— Hilal Fareed

ham khud bhi hue naadim jab harf-e-duaa niklaa
samjhe the jise patthar vo shakhs khudaa niklaa

— Hilal Fareed

paani pe bante aks ki maanind huun magar
aankhon mein koi bhar le to miTtaa nahin huun main

— Hilal Fareed

us ajnabi se vaasta zarur thaa koi
vo jab kabhi milaa to bas miraa lagaa mujhe

— Hilal Fareed

aaj na ham se puchhiye kaisaa kamaal ho gayaa
hijr ke khauf mein rahe aur visaal ho gayaa

— Hilal Fareed

is aql ki maari nagri mein kabhi paani aag nahin bantaa
yahaan ishq bhi log nahin karte yahaan koi kamaal nahin hotaa

— Hilal Fareed

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif