raushni mein apni shakhsiyat pe jab bhi sochnaa — Himayat Ali Shayar

zindagi ki baat sun kar kyaa kahein
ik tamannaa thi taqaazaa ban gai

— Himayat Ali Shayar

suraj ko ye gham hai ki samundar bhi hai paayaab
yaa rab mire qulzum mein koi sail-e-ravaan aur

— Himayat Ali Shayar

har taraf ik muhib sannaaTaa
dil dhaDaktaa to hai magar khaamosh

— Himayat Ali Shayar

tujh se vafaa na ki to kisi se vafaa na ki
kis tarah intiqaam liyaa apne aap se

— Himayat Ali Shayar

taariki mein lipTi hui pur-haul khamoshi
is aalam mein kyaa nahin mumkin jaagte rahnaa

— Himayat Ali Shayar

main sochtaa huun is liye shaayad main zinda huun
mumkin hai ye gumaan haqiqat kaa gyaan de

— Himayat Ali Shayar

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

gulaabon ke honTon pe lab rakh rahaa huun
use der tak sochnaa chaahtaa huun

— Zubair Rizvi

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

maango samundaron se na saahil ki bhiik tum
haan fikr o fan ke vaaste gahraai maang lo

— Hasan Najmi Sikandarpuri

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid