kyaa khabar thi subh ho jaaegi tere nuur se — Imdad Ali Bahr

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

mire baghair na ik-dam use qaraar aataa
zaraa bhi zabt jo mujh be-qaraar mein hotaa

— Imdad Ali Bahr

mire qatl par tum ne biiDaa uThaayaa
mire haath kaa paan khaayaa to hotaa

— Imdad Ali Bahr

na mohabbat hai dilon mein na hayaa aankhon mein
ye sanam tu ne banaae hain khudaayaa kaise

— Imdad Ali Bahr

ham na kahte the hansi achchhi nahin
aa gai aakhir rukaavaT dekhiye

— Imdad Ali Bahr

khush raho yaar agar ham se ho bezaar bahut
dil agar apnaa salaamat hai to dildaar bahut

— Imdad Ali Bahr

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb