ye mohabbat bhi ek neki hai — Inam Nadeem

bujh jaaegaa ik roz tiri yaad kaa shola
lekin mire siine mein dhuaan yuun hi rahegaa

— Inam Nadeem

apni hi ravaani mein bahtaa nazar aataa hai
ye shahr bulandi se dariyaa nazar aataa hai

— Inam Nadeem

jiye garche isi duniyaa mein ham bhi
magar duniyaa hamaari aur hi thi

— Inam Nadeem

pukaarte the mujhe aasmaan magar main ne
qayaam karne ko ye khaak-daan pasand kiyaa

— Inam Nadeem

ek lamha lauT kar aayaa nahin
ye baras bhi raaegaan rukhsat huaa

— Inam Nadeem

ham Thahre raheinge kisi taabir ko thaame
aankhon mein koi khvaab ravaan yuun hi rahegaa

— Inam Nadeem

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey