pyaas dariyaa ki nigaahon se chhupaa rakkhi hai — Iqbal Ashhar

vo kisi ko yaad kar ke muskuraayaa thaa udhar
aur main naadaan ye samjhaa ki vo meraa huaa

— Iqbal Ashhar

aaj phir niind ko aankhon se bichhaDte dekhaa
aaj phir yaad koi choT puraani aai

— Iqbal Ashhar

muddaton baa'd mayassar huaa maan kaa aanchal
muddaton baa'd hamein niind suhaani aai

— Iqbal Ashhar

na jaane kitne charaaghon ko mil gai shohrat
ik aaftaab ke be-vaqt Duub jaane se

— Iqbal Ashhar

'azim log the TuuTe to ik vaqaar ke saath
kisi se kuchh na kahaa bas udaas rahne lage

— Iqbal Ashhar

suno samundar ki shokh lahro havaaein Thahri hain tum bhi Thahro
vo duur saahil pe ek bachcha abhi gharaunde banaa rahaa hai

— Iqbal Ashhar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

chaand ne taan li hai chaadar-e-abr
ab vo kapDe badal rahi hogi

— Jaun Elia