amn 'kaifi' ho nahin saktaa kabhi — Iqbal Kaifi

guhar samjhaa thaa lekin sang niklaa
kisi kaa zarf kitnaa tang niklaa

— Iqbal Kaifi

dekhaa hai mohabbat ko ibaadat ki nazar se
nafrat ke avaamil hamein maayub rahe hain

— Iqbal Kaifi

khizaan kaa daur bhi aataa hai ek din 'kaifi'
sadaa-bahaar kahaan tak darakht rahte hain

— Iqbal Kaifi

phulon kaa tabassum bhi vo pahlaa saa nahin hai
gulshan mein bhi chalti hai havaa aur tarah ki

— Iqbal Kaifi

mohabbaton ko bhi us ne khataa qaraar diyaa
magar ye jurm hamein baar baar karnaa hai

— Iqbal Kaifi

main aise husn-e-zan ko khudaa maantaa nahin
aahon ke ehtijaaj se jo maavaraa rahe

— Iqbal Kaifi