gham ko hairat-zada kiyaa ham ne — Irshad Khan Sikandar

muddaton aankhein vazu karti rahin ashkon se
tab kahin jaa ke tiri diid ke qaabil huaa main

— Irshad Khan Sikandar

tum ne dekhaa nahin adaakaaron
un kaa chehra mire savaal ke baa'd

— Irshad Khan Sikandar

saare khvaabon ke intiqaal ke baa'd
aap aur vo bhi itne saal ke baa'd

— Irshad Khan Sikandar

zamaane par to khul kar hans rahaa thaa
tire chhute hi ro baiThaa hai paagal

— Irshad Khan Sikandar

hamin tum se hamesha milne aaein kyuun
tumhaare paanv mein mehndi lagi hai kyaa

— Irshad Khan Sikandar

mujh ko miTTi mein boyaa gayaa
meri miTTi shajar ho gai

— Irshad Khan Sikandar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq