raasta sochte rahne se kidhar bantaa hai — Jaleel 'Aali'

dil pe kuchh aur guzarti hai magar kyaa kiije
lafz kuchh aur hi izhaar kiye jaate hain

— Jaleel 'Aali'

barg bhar baar mohabbat kaa uThaayaa kab thaa
tum ne siine mein koi dard basaayaa kab thaa

— Jaleel 'Aali'

ham ki hain naqsh sar-e-reg-e-ravaank kyaa jaane
kab koi mauj-e-havaa apnaa nishaan le jaae

— Jaleel 'Aali'

tumhaaraa kyaa tumhein aasaan bahut raste badalnaa hai
hamein har ek mausam qaafile ke saath chalnaa hai

— Jaleel 'Aali'

jaan khapaate hain gham-e-ishq mein khush khush 'aali'
kaisi lazzat kaa ye aazaar banaayaa huaa hai

— Jaleel 'Aali'

raasta aage bhi le jaataa nahin
lauT kar jaanaa bhi mushkil ho gayaa

— Jaleel 'Aali'

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

us ke rukhsaar pe hai aur tire honT pe til
tilmilaane ki ijaazat nahin di jaaegi

— Inayat Ali Khan

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

— Abdul Wahab Sukhan

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid