barg bhar baar mohabbat kaa uThaayaa kab thaa — Jaleel 'Aali'

kyaa kyaa dilon kaa khauf chhupaanaa paDaa hamein
khud Dar gae to sab ko Daraanaa paDaa hamein

duniyaa to hai duniyaa ki vo dushman hai sadaa ki
sau baar tire ishq mein ham khud se laDe hain

aali sher ho yaa afsaana yaa chaahat kaa taanaa baanaa
lutf adhuraa rah jaataa hai puuri baat bataa dene se

zaraa si baat par said-e-ghubaar-e-yaas honaa
hamein barbaad kar degaa bahut hassaas honaa

ishq khud sikhaataa hai saari hikmatein 'aali'
naqd-e-dil kise denaa baar-e-sar kahaan rakhnaa

apne diye ko chaand bataane ke vaaste
basti kaa har charaagh bujhaanaa paDaa hamein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

baarish ke baa'd raat saDak aaina si thi
ik paanv paaniyon pe paDaa chaand hil gayaa

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

mire aibon ko ginvaayaa to sab ne
kisi ne meri gham-khvaari nahin ki