ab to aa jaao rasm-e-duniyaa ki — Javed Kamal Rampuri

haae vo log ham se ruuTh gae
jin ko chaahaa thaa zindagi ki tarah

phir kai zakhm-e-dil mahak uTThe
phir kisi bevafaa ki yaad aai

vahi be-vajh udaasi vahi be-naam khalish
raah-o-rasm-e-dil-e-naakaam se ji Dartaa hai

din ke siine mein dhaDakte hue lamhon ki qasam
shab ki raftaar-e-subuk-gaam se ji Dartaa hai

ham aagahi ko rote hain aur aagahi hamein
vaaraftagi-e-shauq kahaan le chali hamein

aai thi chand gaam usi be-vafaa ke saath
phir umr bhar ko bhuul gai zindagi hamein