samajhne se rahaa qaasir ki daanista nahin samjhaa — Javed Naseemi

chaand kaa qurb lagaa kaisaa chalo puchh aaein
aasmaanon ke safar se vo palaT aayaa hai

— Javed Naseemi

dar-ba-dar ho gae taabir ki dhun mein kitne
in hasin khvaabon se baDh kar koi saffaak nahin

— Javed Naseemi

ek chehra hai jo aankhon mein basaa rahtaa hai
ik tasavvur hai jo tanhaa nahin hone detaa

— Javed Naseemi

jise na aane ki qasmein main de ke aayaa huun
usi ke qadmon ki aahaT kaa intizaar bhi hai

— Javed Naseemi

muddat hui ki zinda huun dekhe baghair use
vo shakhs mere dil se utar to nahin gayaa

— Javed Naseemi

zinda rahne ke liye asbaab de
meri aankhon ko tu apne khvaab de

— Javed Naseemi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal