chaand kaa qurb lagaa kaisaa chalo puchh aaein — Javed Naseemi

ek chehra hai jo aankhon mein basaa rahtaa hai
ik tasavvur hai jo tanhaa nahin hone detaa

jise na aane ki qasmein main de ke aayaa huun
usi ke qadmon ki aahaT kaa intizaar bhi hai

muddat hui ki zinda huun dekhe baghair use
vo shakhs mere dil se utar to nahin gayaa

zaraa qarib se dekhun to koi raaz khule
yahaan to har koi lagtaa hai aadmi jaisaa

saath chaaval ke ye kankar bhi nigal jaataa hai
bhuuk mein aadmi patthar bhi nigal jaataa hai

dar-ba-dar ho gae taabir ki dhun mein kitne
in hasin khvaabon se baDh kar koi saffaak nahin

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

pyaaso raho na dasht mein baarish ke muntazir
maaro zamin pe paanv ki paani nikal paDe