ai mohtasib na pheink mire mohtasib na pheink — Jigar Moradabadi

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

— Jigar Moradabadi

vo nazron hi nazron mein savaalaat ki duniyaa
vo aankhon hi aankhon mein javaabaat kaa aalam

— Jigar Moradabadi

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

— Jigar Moradabadi

ham kahin aate hain vaaiz tire bahkaane mein
isi maikhaane ki miTTi isi maikhaane mein

— Jigar Moradabadi

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

— Jigar Moradabadi

nigaah-e-shauq ne mahshar mein saaf taaD liyaa
kahaan vo chhupte ki aankhon mein the samaae hue

— Jigar Moradabadi

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

dil ki zakhmon ko kiyaa kartaa hai taaza har-dam
phir sitam ye hai ki rone bhi nahin detaa hai

— Zafar Anwar

zindagi zor hai ravaani kaa
kyaa thamegaa bahaav paani kaa

— Abdul Hamid Adam

dil mein rakh zakhm-e-navaa raah mein kaam aaegaa
dasht-e-be-samt mein ik hu kaa maqaam aaegaa

— Zafar Ghauri