dil mein rakh zakhm-e-navaa raah mein kaam aaegaa — Zafar Ghauri

tiraa yaqin huun main kab se is gumaan mein thaa
main zindagi ke baDe sakht imtihaan mein thaa

log samjhe apni sachchaai ki khaatir jaan di
varna ham to jurm kaa iqraar karne aae the

be-charaaghaan bastiyon ko zindagi de
ik sitam aisaa bhi kar ijaad taaza

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

kisi ki yaad manaane mein iid guzregi
so shahr-e-dil mein bahut duur tak udaasi hai

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main