dariyaa-e-sharaab us ne bahaayaa hai hamesha — Kalb

chaalis jaam pi ke diyaa ek jaam-e-mai
saaqi ne khuub raah nikaali zakaat ki

— Kalb

ik baat par qaraar unhein raat-bhar nahin
do do pahar jo haan hai to do do pahar nahin

— Kalb

agar un ko puujaa to kyaa kufr hogaa
ki but bhi khudaa ke banaae hue hain

— Kalb

is qadar mahv na hon aap khud-aaraai mein
daagh lag jaae na aaina-e-yaktaai mein

— Kalb

tiri taarif ho ai sahib-e-ausaaf kyaa mumkin
zabaanon se dahaanon se takallum se bayaanon se

— Kalb

phir na baaqi rahe ghubaar kabhi
holi khelo jo khaaksaaron mein

— Kalb

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi