kyaa zamaane kaa eatibaar karun — Karamat Ali Karamat

main shuaa-e-zaat ke siine mein gunjaa huun kabhi
aur 'karaamat' main kabhi lamhon ke khvaabon mein rahaa

— Karamat Ali Karamat

achchhaa hai yaa kharaab nahin is se vaasta
phuTaa huaa ye meraa muqaddar mujhe aziiz

— Karamat Ali Karamat

manzil pe bhi pahunch ke mayassar nahin sakun
majbur is qadar hain shuur-e-safar se ham

— Karamat Ali Karamat

koi zamin hai to koi aasmaan hai
har shakhs apni zaat mein ik daastaan hai

— Karamat Ali Karamat

hamesha aag ke dariyaa mein ishq kyuun utre
kabhi to husn ko gharq-e-azaab honaa thaa

— Karamat Ali Karamat

ye apne hi kirdaar kaa hai natija
jo rab ki taraf se ye ham par ghazab hai

— Karamat Ali Karamat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal