ye apne hi kirdaar kaa hai natija — Karamat Ali Karamat

achchhaa hai yaa kharaab nahin is se vaasta
phuTaa huaa ye meraa muqaddar mujhe aziiz

manzil pe bhi pahunch ke mayassar nahin sakun
majbur is qadar hain shuur-e-safar se ham

koi zamin hai to koi aasmaan hai
har shakhs apni zaat mein ik daastaan hai

hamesha aag ke dariyaa mein ishq kyuun utre
kabhi to husn ko gharq-e-azaab honaa thaa

main lafz lafz mein tujh ko talaash kartaa huun
savaal mein nahin aataa na aa javaab mein aa

main shuaa-e-zaat ke siine mein gunjaa huun kabhi
aur 'karaamat' main kabhi lamhon ke khvaabon mein rahaa