chalo maanaa ki khvaabon mein miloge — Kazim Rizvi

teri tarah zabaan ke kuchh tez ham bhi hain
par masala ye hai ki adab jaante hain ham

— Kazim Rizvi

pahle honaa thaa aaina dil ko
aur phir chur-chur honaa thaa

— Kazim Rizvi

us ke siyaah nain ki jaa kar nazar utaar
maare hasad ke chuur huiin surma-daaniyaan

— Kazim Rizvi

shaayad vo is binaa pe hamein bakhsh de ki ham
kaafir bane rahe pa munaafiq nahin hue

— Kazim Rizvi

log meri ghazlon mein tum ko DhunD lete hain
she'r-o-shaa'iri kab hai daastaan tumhaari hai

— Kazim Rizvi

mashhur ho chuki hai kisi ke labon ki baat
akhbaar-e-dil-baraan ki sabhi surkhiyaan paDho

— Kazim Rizvi

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi