subh hoti hai to kunj-e-khush-gumaani mein kahin — Khaavar Jilani

sabhi kirdaar thak kar so gae hain
magar ab tak kahaani chal rahi hai

— Khaavar Jilani

vaqt guzar jaataa hai lekin dil ki ranjish
dil mein baiThi ki baiThi hi rah jaati hai

— Khaavar Jilani

ik chingaari aag lagaa jaati hai ban mein aur kabhi
ek kiran se zulmat ko chhaT jaanaa paDtaa hai

— Khaavar Jilani

jiinaa to alag baat hai marnaa bhi yahaan par
har shakhs ki apni hi zarurat ke liye hai

— Khaavar Jilani

yunhi bekaar main paDaa khud ko
kaar-aamad banaa rahaa huun main

— Khaavar Jilani

banne vaali baat vahi hoti hai vo jo
bante bante yaksar banti rah jaati hai

— Khaavar Jilani

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat