harf ko barg-e-navaa detaa huun — Khaleel Tanveer

rusvaa hue zalil hue dar-ba-dar hue
haq baat lab pe aai to ham be-hunar hue

parind shaakh pe tanhaa udaas baiThaa hai
uDaan bhuul gayaa muddaton ki bandish mein

teri aamad ki muntazir aankhein
bujh gaiin khaak ho gae raste

ab ke safar mein dard ke pahlu ajiib hain
jo log ham-khayaal na the ham-safar hue

is bhare shahr mein din raat Thaharte hi nahin
kaun yaadon ke safar-naame ko tahrir kare

auron ki buraai ko na dekhun vo nazar de
haan apni buraai ko parakhne kaa hunar de