kalisaa maulvi raahib pujaari — Khalid Karrar

phir is ke baad miri raat be-misaal hui
udhar vo shola-badan thaa idhar main paani thaa

baat ye hai ki sabhi bhaai mire dushman hain
masala ye hai ki main yusuf-e-saani bhi nahin

koi to aae sunaae naved-e-taaza mujhe
uTho ki hashr se pahle hisaab hone lagaa

sach to ye hai ki mire paas hi dirham kam hain
varna is shahr mein is darja giraani bhi nahin

safar rasta saubat khvaab sahraa
samundar vaahima khunaab sahraa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yuun to maujud apne ghar mein hai
aadmi mustaqil safar mein hai

safar mein aise kai marhale bhi aate hain
har ek moD pe kuchh log chhuT jaate hain

aap kaa koi safar be-samt be-manzil na ho
zindagi aisi na jiinaa jis kaa mustaqbil na ho

na chhaanv karne ko hai vo aanchal na chain lene ko hain vo baanhein
musaafiron ke qarib aa kar har ik baseraa palaT gayaa hai