dard ki chaah mein pahle to kuredun shab-bhar — Khalid Nadeem Shaani

tum in lakiron mein ik khushi bhi talaash kar lo to moajiza hai
ki main to bachpan se jaantaa huun miri hatheli kaa naam dukh hai

— Khalid Nadeem Shaani

hazrat-e-josh ke divaan kaa jab zikr chale
kitni hasrat se hamein urdu zabaan dekhti hai

— Khalid Nadeem Shaani

hami vo ilm ke raushan charaagh hain jin ko
havaa bujhaati nahin hai salaam karti hai

— Khalid Nadeem Shaani

jis tarah aap ne bimaar se rukhsat li hai
saaf lagtaa hai janaaze mein nahin aaeinge

— Khalid Nadeem Shaani

kahaan se aai thi aakhir tiri talab mujh mein
khudaa ne mujh ko banaayaa to main akelaa thaa

— Khalid Nadeem Shaani

main agar khud ko maar Daalun to
kyaa bachegaa tiri kahaani mein

— Khalid Nadeem Shaani

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi