vo zakhm lagaa hai ki dikhaai nahin detaa — Khwaja Mohammad Wazir

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

— Khwaja Mohammad Wazir

phir vahi ham the vahi tum the mohabbat the vahi
sulh kar lete agar aankhein laDaane ke liye

— Khwaja Mohammad Wazir

yuun phir rahe hain jaise koi baat hi nahin
aaluda mere khuun se daamaan kiye hue

— Khwaja Mohammad Wazir

silsila rakhtaa hai meraa kufr kuchh islaam se
hain kai tasbih ke daane miri zunnaar mein

— Khwaja Mohammad Wazir

haath dikhlaa ke ye bolaa vo musalmaan-zaada
ho gayaa dast-e-nigar ab to barahman apnaa

— Khwaja Mohammad Wazir

sar miraa kaaT ke pachhtaaiyegaa
kis ki phir jhuTi qasam khaaiyegaa

— Khwaja Mohammad Wazir

na tum hosh mein ho na ham hosh mein hain
chalo mai-kade mein vahin baat hogi

— Bashir Badr

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

— Munawwar Rana

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein

— Mirza Ghalib

aae kuchh abr kuchh sharaab aae
is ke baa'd aae jo azaab aae

— Faiz Ahmad Faiz