nae kapDe nae juute nae bartan kharidegaa — Mahmood Ahmad Hashmi

beTiyaan sab ke muqaddar mein kahaan hoti hain
ghar khudaa ko jo pasand aae vahaan hoti hain

ik tiraa hijr jo baalon mein safedi laayaa
ik tiraa shauq jo siine mein javaan rahtaa hai

main nahin maantaa kaaghaz pe likhaa shajra-e-nasab
baat karne se qabile kaa pata chaltaa hai

us ki basti se pahle qabristaan
aashiqon ke liye ishaara thaa

mere sheron se miri umr kaa andaaza kar
mujh se mat puchh miraa yaum-e-vilaadat kyaa hai

raae kyaa qaaem kareinge ajnabi us shahr mein
rasta batlaae jahaan par ek andhaa aadmi