Mahmood Ahmad Hashmi

"ik raat us ke haath pe aansu gira ke dekh 'mahmud' tera chand sitara-shanas hai"

"ism-e-azam bhi mire saath safar karta hai meri kashti men jo baiThega amaan pa.ega"

"ishq vo giit jo umron ki riyazat mange kaun is giit ko asani se ga sakta hai"

"bahut hi soz bahut hi gudaz hai is men tumhara hijr azan-e-bilal jaisa hai"

"raa.e kya qaa.em karenge ajnabi us shahr men rasta batla.e jahan par ek andha aadmi"

"us ki basti se pahle qabristan ashiqon ke liye ishara tha"

beTiyaan sab ke muqaddar mein kahaan hoti hain
ghar khudaa ko jo pasand aae vahaan hoti hain

ik tiraa hijr jo baalon mein safedi laayaa
ik tiraa shauq jo siine mein javaan rahtaa hai

main nahin maantaa kaaghaz pe likhaa shajra-e-nasab
baat karne se qabile kaa pata chaltaa hai

us ki basti se pahle qabristaan
aashiqon ke liye ishaara thaa

mere sheron se miri umr kaa andaaza kar
mujh se mat puchh miraa yaum-e-vilaadat kyaa hai

raae kyaa qaaem kareinge ajnabi us shahr mein
rasta batlaae jahaan par ek andhaa aadmi