us ki basti se pahle qabristaan — Mahmood Ahmad Hashmi

zulm bhi sharmaa rahaa hai adl ki mizaan se
kuud jaanaa chaahiye minaar-e-paakistaan se

aisaa kahaan ye zaaiqa gandum ke paas hai
roTi mein maan ke haath ki shaamil miThaas hai

miri vafaa mein kami hai to mujh se baat kare
use kaho ki vo aae muzaakaraat kare

raae kyaa qaaem kareinge ajnabi us shahr mein
rasta batlaae jahaan par ek andhaa aadmi

pahle soyaa kartaa thaa 'mahmud' lambi taan kar
phir shuur aataa gayaa aur ratjage baDhte gae

miri tarah se shajar bhi hain baaghiyaana mizaaj
jahaan se kaaTe gae the vahin se ug aae

husn jalva dikhaa gayaa apnaa
ishq baiThaa rahaa udaas kahin

aae hai bekasi-e-ishq pe ronaa 'ghaalib'
kis ke ghar jaaegaa sailaab-e-balaa mere baad

ishq kaa ghar hai 'mir' se aabaad
aise phir khaanamaan-kharaab kahaan

marg hi sehat hai us ki marg hi us kaa ilaaj
ishq kaa bimaar kyaa jaane davaa kyaa chiiz hai

Thokar bhi raah-e-ishq mein khaani zarur hai
chaltaa nahin huun raah ko hamvaar dekh kar

sau fasaad ek ishq mein uTThe
boyaa ik tukhm uge hazaar darakht