sham-e-shab-taab ek raat jali — Mahmood Ayaz

tu ru-ba-ru ho to ai ru-e-yaar tujh se kahein
vo harf-e-gham ki harif-e-gham-e-zamaanaa hai

— Mahmood Ayaz

vo nahin hai na sahi tark-e-tamannaa na karo
dil akelaa hai ise aur akelaa na karo

— Mahmood Ayaz

lafz o manzar mein maaani ko TaTolaa na karo
hosh vaale ho to har baat ko samjhaa na karo

— Mahmood Ayaz

chaand khaamosh jaa rahaa thaa kahin
ham ne bhi us se koi baat na ki

— Mahmood Ayaz

jiine vaalon se kaho koi tamannaa DhunDein
ham to aasuda-e-manzil hain hamaaraa kyaa hai

— Mahmood Ayaz

vo mire saath hai saae ki tarah
dil ki zid hai ki nazar bhi aae

— Mahmood Ayaz

kam-umri mein sunet hain
mar jaate hain achchhe log

— Malikzada Javed

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal