chaand khaamosh jaa rahaa thaa kahin — Mahmood Ayaz

vo nahin hai na sahi tark-e-tamannaa na karo
dil akelaa hai ise aur akelaa na karo

lafz o manzar mein maaani ko TaTolaa na karo
hosh vaale ho to har baat ko samjhaa na karo

sham-e-shab-taab ek raat jali
jalne vaale tamaam umr jale

jiine vaalon se kaho koi tamannaa DhunDein
ham to aasuda-e-manzil hain hamaaraa kyaa hai

vo mire saath hai saae ki tarah
dil ki zid hai ki nazar bhi aae

daulat-e-gham bhi khas-o-khaak-e-zamaan mein gai
tum gae ho to mah o saal kahaan Thahre hain

vo chaand hai to aks bhi paani mein aaegaa
kirdaar khud ubhar ke kahaani mein aaegaa

chaand ne taan li hai chaadar-e-abr
ab vo kapDe badal rahi hogi

paani mein bhi chaand sitaare ug aate hain
aankh se dil tak vo zarkhezi ho jaati hai

chaand suraj miri chaukhaT pe kai sadiyon se
roz likkhe hue chehre pe savaal aate hain

ek neamat tire mahjur ke haath aai hai
iid kaa chaand charaagh-e-shab-e-tanhaai hai

jalva-e-rukhsaar-e-saaqi saaghar-o-minaa mein hai
chaand uupar hai magar Duubaa huaa dariyaa mein hai