bane hain kitne chehre chaand suraj — Mahtab Alam

naaqido tum to mire fan ki parakh rahne do
apne sone ko main pital nahin hone dungaa

— Mahtab Alam

ye san kar meri nindein uD gai hain
koi meraa bhi sapnaa dekhtaa hai

— Mahtab Alam

dil bhi toDaa to saliqe se na toDaa tum ne
bevafaai ke bhi aadaab huaa karte hain

— Mahtab Alam

ik safar phir mari taqdir huaa jaataa hai
raasta paanv ki zanjir huaa jaataa hai

— Mahtab Alam

zehn aise bhi na ban jaaein nisaabon vaale
guftugu mein bhi huun alfaaz kitaabon vaale

— Mahtab Alam

aansuon ke jahaan mein rahte hain
ham isi kahkashaan mein rahte hain

— Mahtab Alam

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal