ik safar phir mari taqdir huaa jaataa hai — Mahtab Alam

ye san kar meri nindein uD gai hain
koi meraa bhi sapnaa dekhtaa hai

naaqido tum to mire fan ki parakh rahne do
apne sone ko main pital nahin hone dungaa

dil bhi toDaa to saliqe se na toDaa tum ne
bevafaai ke bhi aadaab huaa karte hain

zehn aise bhi na ban jaaein nisaabon vaale
guftugu mein bhi huun alfaaz kitaabon vaale

aansuon ke jahaan mein rahte hain
ham isi kahkashaan mein rahte hain

bane hain kitne chehre chaand suraj
ghazal ke istiaaraati ufuq par

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yaad aai hai to phir TuuT ke yaad aai hai
koi guzri hui manzil koi bhuli hui dost

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

safar mein aise kai marhale bhi aate hain
har ek moD pe kuchh log chhuT jaate hain

yuun to maujud apne ghar mein hai
aadmi mustaqil safar mein hai