کیوں یاد یہ سب قحط کے اسباب نہ آئے جب ہم نے دعا کی تھی کہ سیلاب نہ آئے ہم کو تو اترنا ہے سمندر کی تہوں میں ہاتھ آئے کہ اب گوہر نایاب نہ آئے تدبیر کے محور پہ رہا میں یونہی رقصاں تعبیر کے مرکز پہ مرے خواب نہ آئے باہر جو اٹھے شور تو کھڑکی سے نہ جھانکو آنکھوں پہ تمہاری کہیں تیزاب نہ آئے اعلان کیا اڑتی ہوئی خاک نے ہر سمت منظر پہ کوئی خطۂ شاداب نہ آئے میں نے جو کہا تخم وفا ہیں مرے آنسو کہنے لگے مٹی میں انہیں داب نہ آئے نکلے ہیں سر شام لئے مشعل فن ہم نزدیک کوئی کاغذی مہتاب نہ آئے

kyuun yaad ye sab qaht ke asbaab na aae

غزل · Ghazal

غزل کا میری خاکہ دیکھتا ہے جو اس گل کا سراپا دیکھتا ہے پلٹ کر جب مسیحا دیکھتا ہے مرے زخموں کو ہنستا دیکھتا ہے طلسمی ہیں نئے انساں کی آنکھیں کہ گھر میں رہ کے دنیا دیکھتا ہے وہی کردار زندہ ہے جو اپنی کہانی کو ادھورا دیکھتا ہے یہ سن کر میری نیندیں اڑ گئی ہیں کوئی میرا بھی سپنا دیکھتا ہے جو اڑتے ہیں اڑیں غالبؔ کے پرزے تماشائی تماشا دیکھتا ہے سمندر بوند لگتا ہے کسی کو کوئی ذرے میں صحرا دیکھتا ہے نہ جانے کس میں ہے کتنی بصیرت نہ جانے کون کتنا دیکھتا ہے

ghazal kaa meri khaaka dekhtaa hai

غزل · Ghazal

دیکھا جو سایہ شب میں یہ سمجھا نگاہ نے شاید وہ آج آ گئے وعدہ نباہنے ویراں سی اس نواح میں آتا ہی کون تھا آباد کر دیا ہے اسے قتل گاہ نے ان قاتلوں پہ کون مقدمہ چلائے گا جن کو لیا پناہ میں عالم پناہ نے ہر بات پہ جو مجھ سے یہ کہتے ہیں چپ رہو کیا اپنے حسن کو بھی نہ دیں گے سراہنے قائم انہیں فقیروں کے دم سے تھی سلطنت جن کو کیا ہے ملک بدر سربراہ نے اچھا ہوا سحر نے الٹ دی نقاب فکر بھٹکا دیا تھا رات مجھے واہ واہ نے کاغذ اگر سیاہ کریں تو کریں حریف سورج اگائے ہیں مری فکر و نگاہ نے

dekhaa jo saaya shab mein ye samjhaa nigaah ne

غزل · Ghazal

پھولوں میں جھلک حسن رخ یار کی نکلی ہم خوش ہیں کوئی شکل تو دیدار کی نکلی الفاظ سے خوشبو ترے کردار کی نکلی جب بات مسیحا ترے گفتار کی نکلی نیلام ہوئے چاند ہر اک شہر میں لیکن رونق نہ کہیں مصر کے بازار کی نکلی ہونٹوں کی ہنسی بن گئے جو زخم تھے دل میں صورت کوئی جب اور نہ اظہار کی نکلی دیکھا تو یہ سمجھے کسی درویش کا گھر ہے پوچھا تو وہ کٹیا بھی زمیندار کی نکلی پھر پھول برسنے لگے لفظوں کے دہن سے پھر بات کسی کے لب و رخسار کی نکلی زنجیر کی تنگی تھی اسیران وفا تھے آواز بھی زنداں سے نہ جھنکار کی نکلی

phulon mein jhalak husn-e-rukh-e-yaar ki nikli

غزل · Ghazal

در تخیل کے مقفل نہیں ہونے دیتا میں تجھے آنکھ سے اوجھل نہیں ہونے دیتا نیند آتی ہے تو آنکھوں میں جگہ دیتا ہوں اپنی پلکوں کو میں بوجھل نہیں ہونے دیتا کس کو سیراب کرے گا وہ چھلکتا بادل جو مری پیاس کو جل تھل نہیں ہونے دیتا چھین لیتا ہے مصور کے سبھی ہوش و حواس حسن تصویر مکمل نہیں ہونے دیتا کس کو افلاس نے رکھا ہے شگفتہ خاطر یہ تو بچوں کو بھی چنچل نہیں ہونے دیتا کوئی کاندھے پہ مرے ہاتھ دھرے ہے مہتابؔ یہ تخیل مجھے پاگل نہیں ہونے دیتا

dar takhayyul ke muqaffal nahin hone detaa

غزل · Ghazal

مرحبا تم بھی ضرورت سے ملے کون ہے اب جو محبت سے ملے زندگی نے جو دئے ہم کو سبق وہ کہاں پند و نصیحت سے ملے دل ملانے سے بھلا کیا حاصل جب طبیعت نہ طبیعت سے ملے ہائے وہ شہر اماں جس میں ہم روز اک تازہ قیامت سے ملے یہ جو پلکوں پہ سجے ہیں موتی سب ہمیں اس در دولت سے ملے کون ہوگا وہ بجز آئینہ شکل جس کی تری صورت سے ملے آج پھینکی گئی ہم پر کچھ خاک آج ہم اپنی حقیقت سے ملے ہم نے سمجھا ہے انہیں پیار کے پھول زخم جو سنگ ملامت سے ملے تھے وہ عجلت میں گئے یہ کہہ کر جس کو فرصت ہو وہ فرصت سے ملے

marhabaa tum bhi zarurat se mile

See all 8 Ghazals →

Similar Poets