khush na ho aansuon ki baarish par — Mashkoor Husain Yaad

behtar hai ki ab khud se judaa ho ke bhi dekhein
dariyaa mein to dariyaa kaa havaala nahin miltaa

— Mashkoor Husain Yaad

naqaab uThaao to har shai ko paaoge saalim
ye kaaenaat ba-taur-e-hijaab TuTti hai

— Mashkoor Husain Yaad

aalaa mein to adnaa ke havaale hi havaale
adnaa hi mein aalaa kaa havaala nahin miltaa

— Mashkoor Husain Yaad

in ashkon kaa dil se kyaa taalluq
ye shoale jigar se aa rahe hain

— Mashkoor Husain Yaad

hamaare aasmaan kaa har sitaara sab pe raushan hai
kisi zakhm-e-mohabbat ko nihaan ham ne nahin rakkhaa

— Mashkoor Husain Yaad

aansu aansu jis ne dariyaa paar kiye
qatra qatra aab mein uljhaa baiThaa hai

— Mashkoor Husain Yaad

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq