jo bhi chaaho nikaal lo matlab — Masroor Jalandhari

hamaari aankhon mein be-vajh aa gae aansu
yaqin kiije kisi baat par nahin aae

shaayad aa jaae kisi vaqt lab-e-baam vo chaand
shaam se subah talak band daricha na kiyaa

ik umr ki mehnat kaa ye phal paaeinge ham log
miTTi ki ridaa oDh ke so jaaeinge ham log

kyuun ham ko sunaate ho jahannam ke fasaane
is daur mein jiine ki sazaa kam to nahin hai