shaayad aa jaae kisi vaqt lab-e-baam vo chaand — Masroor Jalandhari

kyuun ham ko sunaate ho jahannam ke fasaane
is daur mein jiine ki sazaa kam to nahin hai

jo bhi chaaho nikaal lo matlab
khaamushi guftugu pe bhaari hai

hamaari aankhon mein be-vajh aa gae aansu
yaqin kiije kisi baat par nahin aae

ik umr ki mehnat kaa ye phal paaeinge ham log
miTTi ki ridaa oDh ke so jaaeinge ham log

aankhon mein meri subh-e-qayaamat gai jhamak
siine se us pari ke jo parda ulaT gayaa

sailaab-e-ishq gharq-kun-e-aql-o-hosh thaa
ik bahar thaa ki shaam-o-sahar garam-josh thaa

'chandaa' rahe partav se tire yaa ali raushan
khurshid ko hai dar se tire shaam-o-sahar faiz

chhoD aayaa putliyaan subh-e-banaaras jhiil par
dil hamesha ke liye shaam-e-avadh mein rakh diyaa

mire fusun ne dikhaai hai tere rukh ki sahar
mire junun ne banaai hai tere zulf ki shaam

sadaa chaman se jo aati hai roz chaT chaT ki
balaaein ghunche tiri subh o shaam lete hain