shitaabi apne divaane ko kar band — Mirza Zahirddin Azfari

kis zamaane ki ye dushman thi miri
is mohabbat kaa ho munh kaalaa miyaan

oson gai hai pyaas kahin dida-e-namin
bujhtaa hai aansuon se kahaan dil phunkaa huaa

ye divaane hain mahv-e-did dilbar
nahin kuchh maante yaan ko na vaan ko

ham gunahgaaron ke kyaa khuun kaa phikaa thaa rang
mehndi kis vaaste haathon pe rachaai pyaare

tere mizhgaan ki kyaa karun taarif
tiir ye be-kamaan jaataa hai

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le