ye divaane hain mahv-e-did dilbar — Mirza Zahirddin Azfari

kis zamaane ki ye dushman thi miri
is mohabbat kaa ho munh kaalaa miyaan

oson gai hai pyaas kahin dida-e-namin
bujhtaa hai aansuon se kahaan dil phunkaa huaa

ham gunahgaaron ke kyaa khuun kaa phikaa thaa rang
mehndi kis vaaste haathon pe rachaai pyaare

tere mizhgaan ki kyaa karun taarif
tiir ye be-kamaan jaataa hai

ai musavvir shitaab ho ki abhi
us kaa naqsha dhiyaan mein kuchh hai

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

dil-e-haris hi apnaa na ho sakaa qaane
vagarna tere karam mein to kuchh kami na rahi