aasmaanon mein uDaa karte hain phule phule — Mohammad Aazam

ishq mein kuudo agar shauq hai marne kaa bahut
is se gahri koi khaai mujhe maalum nahin

— Mohammad Aazam

kuchh chhalaktaa hai kuchh bikhartaa hai
sab mile to bhi sab nahin miltaa

— Mohammad Aazam

aati jaati hai vo ab saans ki surat mujh mein
kab gai aur kab aai mujhe maalum nahin

— Mohammad Aazam

aankhon mein us ki main ne aakhir malaal dekhaa
kin kin bulandiyon par apnaa zavaal dekhaa

— Mohammad Aazam

kam maarka-e-zist nahin jang-e-uhad se
asbaab-e-jahaan maal-e-ghanimat ki tarah hai

— Mohammad Aazam

hamaare dil ko ab taaqat nahin sadme uThaane ki
bahut bhaane lage jo us se milnaa chhoD dete hain

— Mohammad Aazam

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi