aa jaae kahin baad kaa jhonkaa to mazaa ho — Mohammad Amaan Nisar

khanjar na kamar mein hai na talvaar rakhe hai
aankhon hi mein chaahe hai jise maar rakhe hai

kis jafaa-kaar se ham ahd-e-vafaa kar baiThe
aakhir is baat ne ik roz pashemaan kiyaa

mujh mein aur un mein sabab kyaa jo laDaai hogi
ye havaai kisi dushman ne uDaai hogi

kyaa fusun tu ne khudaa jaane ye ham par maaraa
tujh se phirtaa nahin dil ham ne bahut sar maaraa

thaa jinhein husn-parasti se hamesha inkaar
vo bhi ab taalib-e-didaar hain kin ke un ke

mat munh se 'nisaar' apne ko ai jaan buraa kah
hai saahab-e-ghairat kahin kuchh khaa ke na mar jaae