kyaa fusun tu ne khudaa jaane ye ham par maaraa — Mohammad Amaan Nisar

khanjar na kamar mein hai na talvaar rakhe hai
aankhon hi mein chaahe hai jise maar rakhe hai

kis jafaa-kaar se ham ahd-e-vafaa kar baiThe
aakhir is baat ne ik roz pashemaan kiyaa

mujh mein aur un mein sabab kyaa jo laDaai hogi
ye havaai kisi dushman ne uDaai hogi

thaa jinhein husn-parasti se hamesha inkaar
vo bhi ab taalib-e-didaar hain kin ke un ke

aa jaae kahin baad kaa jhonkaa to mazaa ho
zaalim tire mukhDe se dupaTTa jo ulaT jaae

mat munh se 'nisaar' apne ko ai jaan buraa kah
hai saahab-e-ghairat kahin kuchh khaa ke na mar jaae

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

chaand ne taan li hai chaadar-e-abr
ab vo kapDe badal rahi hogi

rakhkhun kahaan main apne pari-zaad ko 'hasan'
shisha jo ek dil kaa mire hai so chuur hai

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi