bhurbhuri si haDDiyon mein vaqt kaa suraagh thaa — Moid Rasheedi

itnaa aasaan nahin lafzon ko ghazal kar lenaa
shor ko sher banaane mein jigar lagtaa hai

— Moid Rasheedi

bichhaDte vaqt kahnaa thaa bahut kuchh
main kyaa kahtaa judaa hone se pahle

— Moid Rasheedi

ab eatibaar nahin meri jaan kisi kaa nahin
charaagh sab ke liye hai dhuaan kisi kaa nahin

— Moid Rasheedi

mujh ko paane ki tamanna mein vo gharqaab huaa
main ne saahil ki tamanna mein use khoyaa hai

— Moid Rasheedi

bichhaD gai thi vahi shai jo meri thi hi nahin
jo mere the hi nahin vo judaa hue bhi to kyaa

— Moid Rasheedi

havas ki dhuup mein phailaa hai shor-e-khalq-e-khudaa
sunaa kisi ne nahin bastiyon mein girya-e-khaak

— Moid Rasheedi

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

aaine par koi tohmat na dharo
khaal-o-khad apne sanvaaro saahab

— Iqbal Khawar

abhi mujh mein bahut himmat hai lekin
kisi haare hue lashkar mein huun main

— Farhan Hanif Warsi

tumhein paane ki haisiyyat nahin hai
magar khone ki bhi himmat nahin hai

— Fariha Naqvi

mire hijr ke faisle se Daro tum
main khud mein ajab hausla dekhti huun

— Fariha Naqvi

jazba-e-ishq chaahiye suufi
jo hai afsurda ahl-e-haal nahin

— Pandit Jawahar Nath Saqi