mire hijr ke faisle se Daro tum — Fariha Naqvi

ain mumkin hai use mujh se mohabbat hi na ho
dil bahar-taur use apnaa banaanaa chaahe

vo khudaa hai to bhalaa us se shikaayat kaisi?
muqtadir hai vo sitam mujh pe jo Dhaanaa chaahe

kis kis phuul ki shaadaabi ko maskh karoge bolo!!!
ye to us ki den hai jis ko chaahe vo mahkaae

andar aisaa habs thaa main ne khol diyaa darvaaza
jis ne dil se jaanaa hai vo khaamoshi se jaae

aankh aur baadal donon TuuT ke rote hain
jaane in kaa aapas mein kyaa rishta hai

tumhaare rang phike paD gae naan
miri aankhon ki viraani ke aage

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

khirad vaalon ko kahne do ki hain saat aasmaan sar par
junun vaalo zaraa himmat karo bas ek ziinaa hai

tohmat-e-chand apne zimme dhar chale
jis liye aa.e the ham kar chale

bhurbhuri si haDDiyon mein vaqt kaa suraagh thaa
apni qabr khodne kaa hausla nahin huaa

buraa mat maan itnaa hausla achchhaa nahin lagtaa
ye uThte baiThte zikr-e-vafaa achchhaa nahin lagtaa

zindagi ko hausla dene ke khaatir
khvaahishon ko reza reza chun rahaa huun