jis vaqt huaa karti hai bechain tabiat — Mukhtar Tilhari

miri hansi ko sar-e-bazm sah liyaa us ne
phir us ke baa'd akele mein intiqaam liyaa

— Mukhtar Tilhari

hamaari samt se be-raghbati na kar varna
tire baghair qaraar aa gayaa to kyaa hogaa

— Mukhtar Tilhari

dil dukhaanaa miraa nahin maqsad
haq-bayaani miri nahin jaati

— Mukhtar Tilhari

vo aaein ham se dalil maangein
jo kah rahe hain khudaa nahin hai

— Mukhtar Tilhari

un se baatein karte karte dil mein Tiis chamak uTThi thi
lafzon par phulon ki ridaa thi maani mein nashtar pinhaan the

— Mukhtar Tilhari

miTaanaa chaahun to mumkin kahaan miTaa bhi sakun
vo ek baal jo aaina-e-khayaal mein hai

— Mukhtar Tilhari

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz