vo aaein ham se dalil maangein — Mukhtar Tilhari

aap mazlum ke ashkon se na khilvaaD karein
ye vo dariyaa hain jo shahron ko nigal sakte hain

raushni ke liye 'mukhtaar' jalaae the charaagh
kyaa khabar thi ki mire haath bhi jal sakte hain

aaj aisi vaadiyon se ho ke aaya huun jahaan
peD the nazdik lekin duur tak saaya na thaa

thakaa diyaa hai mujhe is qadar masaafat ne
safar ke naam se ab ruuh kaanp jaati hai

shiddat-e-pyaas ke ehsaas ko baDhne diije
eDiyon se kabhi chashme bhi ubal sakte hain

ik to vaise hi udaasi ki ghaTaa chhaai hai
aur chheDoge to aansu bhi nikal sakte hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

uDti hai khaak dil ke darichon ke aas-paas
shaayad makin koi nahin is makaan mein

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

phir aaj ek ghazal keh ke main mo'attar huun
phir aaj zakhm kiye apne sandali main ne

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi