mahrūm huuñ maiñ ḳhidmat-e-ustād se 'munīr' — Shayari Of Muneer Shikohabadi

ehsān nahīñ ḳhvāb meñ aa.e jo mire paas
chorī kī mulāqāt mulāqāt nahīñ hai

ho gayā huuñ maiñ naqāb-e-rū-e-raushan par faqīr
chāhiye tah-band mujh ko chādar-e-mahtāb kā

sarsoñ jo phūlī dīda-e-jām-e-sharāb meñ
bint-ul-anab se karne lagā shoḳhiyāñ basant

jaatī hai duur baat nikal kar zabān se
phirtā nahīñ vo tiir jo niklā kamān se

namāz shukr kī paḌhtā hai jaam toḌ ke shaiḳh
vuzū ke vāste letā hai ābrū-e-sharāb

bosa hoñToñ kā mil gayā kis ko
dil meñ kuchh aaj dard mīThā hai