us vaqt jab tilism-e-falak TuTne ko thaa — Muzaffar Hanfi

aangan mein ye raat ki raani saanpon kaa ghar kaaT ise
kamra albatta suunaa hai kone mein guldaan lagaa

— Muzaffar Hanfi

roti hui ek bhiiD mire gird khaDi thi
shaayad ye tamaasha mire hansne ke liye thaa

— Muzaffar Hanfi

shukriya reshmi dilaase kaa
tiir to aap ne bhi maaraa thaa

— Muzaffar Hanfi

bachpan mein aakaash ko chhutaa saa lagtaa thaa
is pipal ki shaakhein ab kitni nichi hain

— Muzaffar Hanfi

bataaein kyaa ki bechaini baDhaate hain vahi aa kar
bahut bechain ham jin ke liye maalum hote hain

— Muzaffar Hanfi

bheDiye aur ishtiraak-shudaa
biich mein ik hiran halaak-shudaa

— Muzaffar Hanfi

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

— Ateequllah

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

— Jurat Qalandar Bakhsh

abhi sitaaron mein baaqi hai zindagi ki ramaq
kuchh aur der zaraa narm garm chaadar khinch

— Afroz Alam

is jabin-e-araq-afshaan pe na chuniye afshaan
ye sitaare kahin mil jaaein na sayyaaron mein

— Bekhud Dehlvi