shukriya reshmi dilaase kaa — Muzaffar Hanfi

kaanTe bone vaale sach-much tu bhi kitnaa bholaa hai
jaise raahi ruk jaaeinge tere kaanTe bone se

hazaaron mushkilein hain doston se duur rahne mein
magar ik faaeda hai piiTh par khanjar nahin lagtaa

ugal dete hain jo kuchh peT mein ho ghar mein aate hi
parinde apne bachchon se adaakaari nahin karte

farq nahin paDtaa ham divaanon ke ghar mein hone se
viraani umDi paDti hai ghar ke kone kone se

yuun palak par jagmagaanaa do ghaDi kaa aish hai
raushni ban kar mire andar hi andar phail jaa

khilte hain dil mein phuul tiri yaad ke tufail
aatish-kada to der hui sard ho gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye vasl ki rut hai ki judaai kaa hai mausam
ye gulshan-e-dil hai ki bayaabaan kahin kaa

main vo maani-e-gham-e-ishq huun jise harf harf likhaa gayaa
kabhi aansuon ki bayaaz mein kabhi dil se le ke kitaab tak

ishq hi donon taraf jalva-e-dildaar huaa
varna is hiir kaa raanjhe ko rijhaanaa kyaa thaa

pal bhar mein kaise log badal jaate hain yahaan
dekho ki ye mufid hai binaai ke liye