ek rumaal aansuon se bharaa — Nadeem Bhabha

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

charaagh dafn kiye the 'nadim' qabron mein
zamin se chaand numudaar ho gae saahib

— Nadeem Bhabha

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

— Nadeem Bhabha

ye tiri guftugu kaa lamha hai
is ghaDi hai miraa khudaa mire paas

— Nadeem Bhabha

ai mujhe khvaab dikhaate hue logo sun lo
meraa dukh ye hai koi khvaab nahin bhultaa main

— Nadeem Bhabha

tum ne jab us ki baat ki tum pe bhi pyaar aa gayaa
chumaa nahin tumhein miyaan garche maqaam thaa zarur

— Nadeem Bhabha

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi